ILOILO CITY – Nadugangan pa ang numero sang patay matapos nahulog ang Ceres bus sa Barangay Igbucagay, Hamtic, Antique.
Suno kay Mr. Richard Saltin, pinuno sang Health Emergency Incident Command System sang Western Visayas Medical Center, ang pinakaulihi nga casualty sa nasambit nga aksidente amo ang 21 anyos nga babaye.
Ini ang ika-18 nga biktima nga ginbawian sang kabuhi.
Nagtaliwan ini bangud sa naangkon nga pilas sa nagkalain-lain nga bahin sang iya lawas.
Sa subong, isa na lang ang kritikal nga na-confine sa nasambit nga ospital.
