Nagduso ang National Unity Party (NUP) sang isa ka hagna nga may tinutuyo nga ma-ban ang mga kongresista nga mag-engage sa mga infrastructure contracts sang gobyerno.
Suno kay Ronaldo Puno, House Deputy Speaker kag NUP chairman, ang ila proposal amo ang Anti-‘Cong-tractor’ Bill nga may katuyoan nga mapauntat ang mga ginpahayag “cong-tractors” nga nagaserbe bilang government contractors sa pila ka mga proyekto sang pungsod.
Sa idalom sa sini nga hagna, ang mga kongresista kag ang ila pamilya tubtob fourth degree of consanguinity ukon affinity, ang ginadumilian nga magkuha sang mga infrastructure kag construction contracts sa mga government agencies, ilabi na sa Department of Public Works and Highways (DPWH).
Ginpakigbahin pa ni Puno nga kun ini amo ang maaprubahan, dako ang posibilidad nga makakas ang isa ka mamalidha bilang myembro sang House of Representatives kun ini amo ang madakpan nga nagalapas sa layi.
Nahibaluan nga pending pa sa gihapon ang nasambit nga proposal, apang nakabatun na ini snag suporta halin sa 130 ka mga kongresista.
Madumduman nga sang nagligad nga 2025, may ara sang mga natukiban ginpahayag ‘Cong-tractors’ ukon kongresista nga isa man ka kontraktor ang involved sa palpak nga mga flood control projects sa pungsod.
 sang isa ka hagna nga may tinutuyo nga ma-ban ang mga kongresista nga mag-engage sa mga infrastructure contracts sang gobyerno){kind=link}