ILOILO CITY–Nagapangatubang sang kaso nga rape ang duha ka suspetsado bangud sa paghimulos sa isa ka nurse sa banwa sang Pototan, Iloilo.
Suno kay PO2 Raquel Cayton, imbestigador sang Pototan Municipal Police Station, nagtambong ang biktima nga si alyas Nene sa ila reunion kaupod ang ila mga batchmates sang high school.
Nag inom ang biktima kaupod ang iban pa nila mga mga classmates apang kulang ang ila ilimnon.
Tungod sini, nagbakal sang dugang nga ilimnon ang duha ka suspetsado upod ang biktima kag ang iban pa nila nga mga abyan.
Naghapit ang mga natungdan sa balay sang isa sa mga suspetsado bangud nagalingin ang ulo sang biktima.
Sang kaagahon, nakibot na lang ang biktima nga bukas na ang zipper sang iya pantalon, baliskad ang panapton, wala na sang panty liner kag nagasakit ang iya pus-on.
Suno sa biktima, iya nabatyagan ang pag uba sa iya kag may ginpasulod nga matig-a nga bagay sa iya kinatawo.
Nagtinguha pa ang bimtima nga magsinggit agud kuntani magpangayo sang bulig apang wala siya sang pwersa bangud hubog.
Ginpaidalom naman sa medical examination ang biktima kag desidido man nga pasakaan sang kaso ang mga suspetsado.
Nahibaluan nga nag-agi sa kisame kag naglumpat sa pader ang biktima agud lang makapalagyo sa mga suspetsado.