ILOILO – Nakalab-ot na sa igdulungog sang lloilo Provincial Government ang hitabo sa isa ka ospital sa Barotac Viejo, Iloilo kun sa diin nag-viral ang video nga ginabalibaran sang hospital personnel ang hingyo sang pulis nga dapatan sang pagbulong ang biktima sang pagpangastigo sa amo nga banwa.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga magapasa sang incident report ang management sang Governor Niel D. Tupas, Sr. District Hospital subong nga adlaw.
Ginkumpirma man ni Mamon nga imbestigaran sang maayo ang nakaduty nga personnel sang amo nga tion.
Ginapahayag nga may kaugalingon nga imbestigasyon nga ginhimo si Dr. Cenon C. Guiban, Jr., ang officer-in-charge sang nasambit nga ospital.
