Nagpanugyan ang isa ka nutritionist sa publiko nga maghagan-hagan sa pagkaon sang mga handa subong nga holidays ilabi na kon ini ang unhealthy foods.
Sa interview sang Bombo Radyo kay Romela Lee Candoliza, Nutrition Officer II sang National Nutirition Council Region 6, iya ginpahayag nga “choose something healthy” kon yara sa isa ka kahiwatan ilabi na kon may salo-salo sang pagkaon.
Suno kay Candoliza, pilion man ang ilimnon nga may mas magamay nga amount sang alcohol kaangay sang ‘mocktail’ kon may maga-invite sang makahulubog nga ilimnon.
Ginpakamaayo man sini nga mas bentaha kon may sulod na nga daan ang tiyan antes nga magpadulong sa isa ka party.
Nagapati man ang natungdan nga ini nga mga tikang sa pagkaon ang makabulig man sa pagpabilin sang ikaayong-lawas nga yara sa balanced diet subong nga holiday season.
