Temporaryo nga ginsirado ang obstetrics (OB) and gynecology outpatient department sang Western Visayas Medical Center (WVMC).
Ini ang nag-umpisa subong nga adlaw, Septyembre 3.
Sa interview sang Bombo Radyo kay Richard Saltin, manager sang Disaster Risk Reduction Management in Health sa WVMC, iya ginpahayag nga ang pagsirado sa OB Department ang kasunod sang paglatnanay sang COVID-19 sang mga health workers.
Suno kay Saltin, bangud nagadugang ang personnel nga nagakalatnan sang virus, posible nga magalawig sa lima ka adlaw ang pagsirado sa OB department.
Emergency cases lang suno sa iya ang ila nga i-cater bangud kulang na ang ila nga personnel,
Iga-re-direct man sa iban nga ospital ang mga pasyente nga indi ma-cater.
Nagapangayo man si Saltin sang paghangop sa publiko.
