Atensyon sa mga lalaki nga malapit na lang mangin daddy.
Dako ang imo nga katungdanan sa pagbusong sang imo asawa.
Suno kay Dr. Sabiha Anjum, isa ka obstetrician and Gynaecologist, sa pagbusong sang mga babaye, kinahanglan nga mapabilin sini ang healthy pregnancy gani dapat man nga yara ikaw sa ila nga tupad.
Pero paano mo bala mabuligan si misis agud nga maangkon sini ang healthy pregnancy?
Kun wala ka man lang sang trabaho ukon day off mo, updi si misis sa tanan sini nga check up ukon appointments.
I-remind man si misis nga imnon ang iya vitamins bangud kun kaisa nagakalipa ini. Mas maayo nga ibutang na sa kilid sang pinggan ang iya supplements agud insakto sa oras ang iya pag-inom.
Ang pag-isip sang sipa ni baby sa sulod sang tyan ni misis ang isa sa manami nga bonding activity para sa inyo nga mag-asawa. Mahimo mo man kantahan ukon istoryahon si baby.
Sa sini nga mga simple nga buluhaton para sa imo nga misis, pat-od nga ma-appreciate ka gid niya kag mas magadalom pa gid ang iya paghigugma sa imo.
Ipabilin nga mangin resposable nga bana kag amay sa imo nga asawa kag kabataan.
