‘Loyal’ si pole vault star EJ Obiena sa Pilipinas kag wala ini sang gana ukon plano nga bayaan ang pungsod apisar sang kontrobersiya nga ginakaulamiran matapos ang mga alegasyon sang Philippine Athletics Track and Field Association (Patafa).
Suno sa Filipino Olympian, luyag gid niya nga magdaug para sa Pilipinas, kag ipakita sa kalibutan ang masarangan ini sang mga Pilipino.
“Even now, in this current crisis, I have no desire to change nations. I see these statements on social media and active encouragement to switch allegiances. But this is not who I am and why I do this. I want to win for Philippines and show the world what we can do. I want to win for us,”suno sa 26-anyos nga Olympian.
Apisar sang commitment nga ginpahayag ni Obiena kag apisar sang goal sini nga makadaug sang gold medals para sa pungsod, may mga punto suno sa iya nga basi kun mapwersa siya nga sundon ang option nga indi niya gusto.
“I have realized I may at some point have no option. I cannot accept to be accused of false allegations and have my reputation smeared. I know I may at some point be forced into choices I don’t want to make. It seems to be happening a lot lately like defending myself in a rushed presscon. But my goal is focused on winning gold medals for my nation, my country, my flag—The Philippines.”
Si Obiena nga subong amo ang World Number 6 ang gin-akusaran sang PATAFA nga nag-falsify sang iya nga mga dokumento kag wala nagbayad sa iya nga coach. #
