Nagpanawagan ang isa ka obispo sa national government nga maglunsar sang imbestigasyon sa ginaalegar pagpamakal sang foreigners sang duta sa Taytay, Palawan nga malapit sa West Philippine Sea.
Ginpahayag ni Bishop Broderick Pabillo, Apostolic Vicar sang Taytay halin sang 2021, nga posible nga involved diri ang Chinese nationals kag ila nga mga ahente.
“Baka mga Chinese ito. O baka mga agents ng mga Chinese. May mga namimili ng lupa. Lalong lalo na ‘yung facing the West Philippine Sea. Coastal area kami and we are facing the West Philippine Sea,” pahayag sini. “Dapat tingnan, imbestigahan iyong mga namimili ng mga lupa kasi syempre gagamitin ng mga dummy ‘yan. May pera na ibinibigay kaya hindi ko alam kung paano ang pag-iimbestiga doon kung legit ba talaga ‘yung pagbili ng lupa.
Ginsaad pa sini ang kahangawa nga posible involved diri ang national security kun matuod ang reports sa baklanay sang duta.
“Nagsusumbong na yung mga tao na marami nang umiikot-ikot, na naghahanap ng mabibiling lupa… siyempre hindi naman talaga magpo-front yang mga Chinese. Maghahanap ng Piilipino yan. Pero kung sino ba talaga ang behind them, yung mga Pilipino na naghahanap ng lupa, dapat imbestigahan,” dugang ni Pabillo.
Sa website sang local government, nakasaad nga isa ka first class municipality ang Taytay nga may 31 barangays kag may total land area nga 134,238 hectares nga 9.5% sang total area sang bug-os nga Palawan.
As of December 2021, may yara ini sang kabug-usan nga populasyon nga 88,416.
Nahamtang man sa Taytay ang Malampaya Sound ukon ang ginabansagan nga “fish bowl” sang Pilipinas. Ini nga area sa Palawan ang naga-contribute sang daku sa national marine product market partikular sa fish production kag naga-suplay man sang isda sa mga merkado sa Metro Manila kag mangin sa Hong Kong, Taiwan, kag Japan.
Kilala man ini nga banwa sa manggaranon nga biodiversity lakip na ang endemic, threatened, kag vulnerable flora kag fauna species.
Sa statement naman sang Presidential Anti-Organized Crime Commission (PAOCC), ginsiling ni Undersecretary Gilbert Cruz nga gina-usisa na ang reports nga may foreigners nga nagapangbakal kag naga-arkila sang mga duta sa Pilipinas nga ginalantaw pamahog man sa food security sa pungsod.
Suno kay Cruz, nagakatabo ini sa Palawan, Nueva Ecija, kag mga probinsya kun sa diin mayor gid nga produkto ang bugas.
Gindugang man sang anti-crime body nga magapakig-angot sila sa Department of Agriculture kag Department of the Interior and Local Government agud nga malantaw ini nga isyu.#
