Nagpahanumdom sa publiko ang Office of Civil Defense Region 6 sa posible magluntad nga linog nga mahimo magtuga sang daku nga halit sa Western Visayas.
Kasunod ini sang 7.8 magnitude nga linog sa pila ka bahin sang Mindanao nga nagguba gid sa mga establisyamento, palangabuhian kag nagkuha man sang kabuhi sang pila ka mga indibdiwal.
Sa interview sang Bombo Radyo kay OCD VI Regional Director Raul Fernandez, iya ginpahayag nga importante gid nga preparado kag nakahibalo ang publiko sa mga dapat nila nga ubrahon samtang nagapadayon kag kun matapos na ang isa ka kalamidad.
Ini nahanungod man sa mga geological features sang Western Visayas kaangay sang West Panay Fault kag Negros Trench nga mahimo magresulta sang makusog nga pagtay-og sang duta kaangay sang nagluntad nga Lady Caycay Earthquake sang 1948.
Nagapangabay man si Fernandez nga magapartisipar gid ang publiko sa patigayunon nga National Simultaneous Earthquake Drill sa Hunyo 18 nga pagapangunahan sang OCD kag National Disaster Risk Reduction and Management Council (NDRRMC).
