Pagatun-an sang Office of the Civil Defense (OCD) ang pag-usmod sang Iloilo City.
Ini kasunod man sa ginpaguwa sang data sang Science-Policy Interface Fellow sang National Resilience Council (NRC) nga 9 millimeters ang gina-usmod sang syudad kada tuig.
Sa interview sang Bombo Radyo kay Raul Fernandez, regional director sang Office of Civil Defense Western Visayas, iya ginpahayag nga closely coordinating na ang talatapan sa city government kag national government agud matumod ang posible nila mabulig sa syudad.
Suno kay Fernandez, ang una nga tikang sang ahensya amo ang iduso sa City Disaster Risk Reduction and Management Office (CDRMMO) nga ilakip ang pag-usmod sang syudad sa ila comprehensive development plan.
Ginpahayag man sini nga tutukan sang talatapan ang amo nga problema paagi sa maid-id nga pagtuon.
Nahibaluan nga nga ang pag-usmod sang duta ang naobserbahan sa Mandurriao, Molo kag La Paz sa diin kada tuig may yara sang 4.0 tubtob 8.8 millimeters nga pagnubo kag natumod gamit ang interferometric synthetic aperture radar.
Gintumod man nga ang pag-usmod sang duta amo bangud sa tuman nga pagkutkot sang mga bubon kag pagsemento sang tanan nga mga duta.
