ILOILO CITY – Wala pa sang may nabaton nga guidelines ang Office of Civil Defense tuhoy sa pagpanghatag sang bulig sa mga pumuluyo ilabi na subong nga may yara sang krisis.
Ini ang kasunod sang pahayag ni Presidente Rodrigo Duterte nga dapat ipaagi sa Office of Civil Defense kag Department of Social welfare and Development ang ginahatag nga donasyon.
Sa interview sang Bombo Radyo kay Office of Civil Defense 6 Director Jose Roberto Nuñez, iya ginpahayag nga sa subong, wala pa sang guidelines tuhoy sa nasambit nga mandu rason nga mahimo nga ang Local Government Unit anay ang magapanghatag sini direkta sa pumuluyo.
Suno kay Nuñez, kinahanglan lang nga maghatag sang report ang Local Government Unit tuhoy sa ginapanghatag nga donasyon.
Ginpahayag ni Nuñez nga mayor nga katungdanan sang Office of Civil Defense sa pagpanghatag sang donasyon amo ang sa patag sang logistics.
