𝗜𝗟𝗢𝗜𝗟𝗢 – Ginasaulog subong nga bulan sang Oktubre ang Indigenous Peoples Month.
Tema sang aktibidad amo ang “Cultural Sensitivity for Sustainable Indigenous Peoples’ Service Delivery and Development”.
Bilang kabahin sang pagpreserba sa ati community, ginhatagan ini sang igtulupangod sang National Commission on Indigenous Peoples (NCIP), local government unit kag Iloilo State University of Fisheries Science and Technology.
Sa interview sang Bombo Radyo kay Jaspere Barrido, Associate Professor IV sa Iloilo State University of Fisheries Science and Technology, iya ginpahayag nga tuig 2018 sang nag-umpisa ang iya Project TABANG ukon Total Action in Bringing Ati community towards Noble and worthy Grounds sa Barotac Viejo, Iloilo.
Suno kay Barrido, ang Project Tabang ang ginalakipan sang literacy, basic education equivalency, health and sanitation, eco-literacy, livelihood, values, disaster preparedness kag cultural affirmation.
Lakip sa mga lugar sa Barotac Viejo nga ila ginatutukan amo ang Nagpana, Kapauhan, Bangon-bangon, Tigbaw, Balring, kag Kabarangkalan.
Nagalaom man ini nga pinaagi sa sini nga programa, makabulig sila agud makapatapos sang pinakauna nga manunudlo nga Ati sa nasambit nga banwa.
