Ginpabugal sang Philippine Coast Guard (PCG) ang ginhimo sang isa nila ka off-duty personnel nga nagluwas sa isa ka bata sa drowning incident sa Zamboanga City.
Sa statement sang PCG, gindayaw sini ang pagka-propesyunal nga ginpakita ni PO3 Al-Shier Alimuddin nga assigned sa Coast Guard Sub-Station Siasi.
Wala sang duty si Alimuddin sang Domingo sang gab-i kag nagatambong sa isa ka private family gathering sa resort sa Cabatangan, Zamboanga City. Samtang nagakinasadya, ginpahibalo sa iya nga may walo ka tuig nga bata nga lalaki nga nalumos sa swimming pool.
“Without hesitation, PO3 Alimuddin PCG rushed to the scene and found the child unresponsive. Drawing on his Coast Guard training in Basic Life Support (BLS), PO3 Alimuddin PCG immediately administered cardiopulmonary resuscitation (CPR),” suno sa PCG.
Bangud sa madasig nga bulig, naka-recover ang bata, kag gindala sa ospital para sa dugang nga medical treatment. Subong, yara na ini sa estable nga kondisyon.
“The timely and selfless actions of PO3 Alimuddin PCG performed even while off duty—underscore the PCG’s enduring commitment to the preservation of life and public safety, embodying the Bagong Pilipinas’ core value of readiness to serve anytime and anywhere,” kabahin pa sang statement sang PCG.
