Ginbasura sang Office of the City Prosecutor sang Mandaluyong City ang mga reklamo nga robbery- extortion, grave threats, grave coercion, slander kag incriminating an innocent person nga ginpasaka sang negosyante nga si Charlie “Atong” Ang batok sa whistleblower nga si Julie Patidongan kaangot sa mga missing sabungeros.
Sa resolusyon nga ginpaguwa sang Office of the City Prosecutor, nakabutang nga ang reklamo kulang sa prima facie evidence ukon kulang ang ebidensya nga nagahatag sang insakto nga sentensya sa isa ka tawo nga ini may sala.
Kaangot ini sa reklamo nga pagguba sang dignidad ni Ang nga ginatawag isa ka mastermind sa kaso sang mga nadula nga mga manug-bulang.
Napamatud-an man nga padayon ang pagsuporta ni Ang sa kandidatura ni Patidongan bilang alkalde sang tuig 2025, nga lain sa ginaalegar nga konspirasyon ni Patidongan kag Bantiles.
Ginpahayag sang abogado ni Ang nga si Atty. Gabriel Villareal nga maga-file sila sang appeal sa Department of Justice.
