𝗠𝗔𝗡𝗜𝗟𝗔 — Gindagdagan sang Office of the Ombudsman sang preventive suspension si Bamban, Tarlac Mayor Alice Guo kasunod sang reklamo nga gin-file sang Department of the Interior and Local Government (DILG).
Nakasaad sa order nga ginapahanugutan ni Ombudsman Samuel Martires ang ginahingyo sang DILG agud i-suspende ang nasambit nga alkalde.
Ginsuspende man sang Obudsman sanday Bamban Business Permit and Licensing Officer Edwin Ocampo kag Bamban’s Municipal Legal Officer Adenn Sigua.
Suspedido ang tatlo lakip si Guo, sa diin, wala sila sang sweldo nga mabaton halin sa gobyerno tubtob matapos ang period of the probe apang indi maglapaw sa anom ka bulan.
Nangin rason man sa complaint nga gin-file sang DILG amo ang grave misconduct, serious dishonesty, gross neglect of duty, kag conduct prejudicial to the best interest of the service.
Gin-athag man sang Ombudsman nga natumod nga may supisyente nga grounds agud suspendihon ang tatlo, sa diin, posible pagid ini mahulog sa pagpakakas sa ila sa pwesto.
Ginpahayag man sang Ombudsman nga ang suspensyon ang isa ka standard practice agud indi maimpluwensyahan sang anomaliya ang inmbestigasyon ilabi na kun sila ang magapabilin nga nagapungko sa pwesto samtang nagadalagan ang kaso.
Nahibaluan nga ang complaint batok kay Bamban Mayor Guo ang napasaka sang Mayo 24, 2024 kag nagapaidalum sa Anti-Graft and Corrupt Practices Act or Republic Act 3019.
Matandaan nga si Guo ang makapila na ka beses nga nagisa sa senado bangud man sa gina-alegar nga kabahin ini sang Philippine Offshore Gaming Operator (POGO) Zun Yuan Technology Incorporated, nga gin-raid sang otoridad sang Marso bangud man sa kaso sang human trafficking and serious illegal detention.
