Nagpain ang Office of the President sang PhP760 milyon nga bulig pinansyal sa 38 ka syudad kag probinsya bilang sabat sa dako nga kahalitan nga dala sang Bagyong Tino.
Ang pondo gamiton para sa madasig nga pagbangon sang mga nabiktima nga mga pamilya kag rehabilitasyon sang mga apektado nga lugar.
Sa Iloilo Province, P50 million ang ginpain nga bulig nga amo ang pinakadako nga financial assistance.
Pareho man nga kantidad ang ginpain para sa Cebu, Capiz, Surigao del Norte, Bohol, kag Negros Oriental.
P40 million naman kada isa ang batunon sang Eastern Samar, Surigao del Sur, Southern Leyte, Antique, kag Aklan.
Ang Leyte kag Masbate may yara sang P30 million kada isa.
Ang Guimaras, Agusan del Norte, kag Dinagat Islands, may yara sang P20 million kada isa.
Tag-P10 million naman ang batunon sang Biliran, Camarines Sur, Sorsogon, Misamis, Oriental, kag Palawan.
Tag-P5 million naman ang ginpain sa Albay,Batangas, Northern Samar, Siquijor, Quezon, Samar, Agusan del Sur, Laguna, Zamboanga City, Camiguin, Occidental Mindoro, Camarines Norte, Zamboanga del Norte, Iligan City, Romblon kag City of Manila.
Nahibaluan nga subong man nga adlaw gin-aprubahan ni President Ferdinand Marcos Jr. ang rekomendasyon sa pagdeklarar sang state of national calamity kasunod sang kalamidad bangud sang Typhoon Tino.
