ILOILO – May yara na sang accommodation establishments nga natumod ang Office of the Provincial Tourism nga mahimo tiniran sang mga Returning Overseas Filipinos.
Sa interview sang Bombo Radyo kay Iloilo Provincial Tourism Officer Gilbert Marin, iya ginpahayag nga ang Returning Overseas Filipinos amo ang prayoridad nga magtinir sa accommodation establishments samtang ang Locally Stranded Individuals naman ang ginapatinir sa mga eskwelahan.
Suno kay Marin, madamo pa ang mga accommodation establishments sa probinsya nga nagaproseso pa lang sang accreditation sa Department of Tourism kag mas makabulig kun tani, kun ini ang magabaton sang kustomer bisan 50% capacity lamang.
Ginpahayag ni Marin nga may iban nga accommodation establishment nga wala nagpasugot nga mangin quarantine facility bangud nga P1,800 lamang ang budget sang Overseas Workers Welafare Administration sa tagsa ka Returning Overseas Filipinos.
