Gin-perform sang P-pop Kings nga SB19 ang official song sang ASEAN 2026 nga may tig-ulo nga “Together in Motion.”
Sa music video nga gin-share sang Tourism Philippines, ginpakita ang mga pungsod nga kabahin sang ASEAN.
Lakip sa lyrics sang kanta ang mensahe nga, “ASEAN we are one, until the end of time,” nga nagapabutyag sang paghiusa sang mga miyembro nga pungsod.
Ang Pilipinas amo ang chair sang ASEAN para sa 2026.
Samtang, padayon man nga nagadako ang influence sang SB19 sa international music scene.
Ang grupo isa man ka tourism ambassador sang Pilipinas kag nangin una nga Filipino act nga nag-perform sa Lollapalooza, isa sa pinakadako nga music festivals sa kalibutan.
Sa pihak nga bahin, nag-file man si Senator Bam Aquino sang bill nga nagatinguha nga masuportahan ang mga Filipino creatives nga nagapakigbahin sang mas daku nga pagkilala sa international stage.
