Wala na nakabalik padulong sa Europa ang Overseas Filipino Worker (OFW) nga amay sang lima ka tuig nga bata nga napatay sa aksidente sa Ninoy Aquino International Airport (NAIA) Terminal 1 sang Mayo 4.
Nahibaluan nga gindul-ong lang sang bata nga babaye ang iya nga amay sang gin-arado sang SUV sa departure area.
Kaupod sa nabungguan ang iloy kag lola sang bata.
Samtang, nagpasalig naman ang Department of Migrant Worker (DMW) nga handa sila nga makig-angot sa employer sang amay sang biktima bangud sa kapaslawan nga magbalik sa trabaho.
Nadala na pauli ang bangkay sang bata samtang ginpaidalom naman sa operasyon ang iya iloy kag ang lola sang napatay.
