Natalana kuntani nga magpauli sa Pilipinas sa Disyembre ang isa ka overseas Filipino worker (OFW) nga lakip sa napatay sang nasunog ang high-rise residential complex sa Hong Kong.
Na-identify ang biktima nga si Maryan Pascual Esteban, 40-anyos, tumandok sang Cainta, Rizal.
Disyembre 16 kuntani ang abot ni Esteban, ilabi na bangud ginakalangkagan sini nga makaupod sa Paskuwa ang iya 10-ka-tuig nga anak nga lalaki.
Magluwas diri suno sa iya pamilya, kaadlawan man kuntani sang iya nga amay, apang haluson sila makahanda sang bisan gamay bangud sa kasubo nga ila nabatyagan subong.
Nagalaum ang pamilya nga makapauli na ang bangkay sang ila himata sa labing-madali nga tion.
Una na nga nagpasalig ang Department of Migrant Workers (DMW) kag Overseas Workers Welfare Administration (OWWA) nga iga-repatriate gilayon ang bangkay kag may ihatag nga financial assistance sa pamilya.
Nahibaluan nga apat ka tuig na nga nagatrabaho ang biktima sa Hong Kong antes natabo ang sunog sa high-rise residential complex nga nagpatay sang 151 na ka mga tawo.
