Nagahilibi-on nga ginpalab-ot sang isa ka Overseas Filipino Worker (OFW) sa Jeddah, Saudi Arabia ang nangin eksperyensya sini sa mga personnel sang iya ahensya nga nabase sa amu nga pungsod.
Sa interview sang Bombo Radyo kay Kizzel May Balayo, 24 kag tumandok sang Banate, Iloilo, iya ginpahayag nga nag-abut ini sa Jeddah sang Disyembre kag sa sulod sang masobra isa ka bulan makapila na ini ka beses nga ginpasapasa sang iya employers.
Suno kay Balayo, gin-sexually harrased kag ginpagutuman ini sang pila ka mga personnel sa iya nga ahensya sang ini ang nagtinir didto sang apat ka adlaw.
Sa subong, yara na ini sa bag-o niya nga employer apang nagapangabay nga kuntani mabuligan ini nga makapauli na sa Pilipinas.
