QATAR– Apektado ang palangabuhian sang mga Overseas Filipino Workers sa Qatar.
Suno kay Bombo International Correspondent Yana Bernas, ginapatuman sa subong ang lockdown sa Qatar bangud sa Coronavirus Disease 2019 (COVID-19).
Suno kay Bernas, indi sila makaguwa sa balay kun wala sang importante nga transaksyon kaangay na lang sang pagbakal sang kinahanglanon bangud may ginapatuman nga curfew kag kinahanglan nga sundon ang physical distancing.
Ginpahayag ni Bernas nga ang mga supermarket kag pharmacy lang ang bukas samtang sirado naman ang iban nga mga negosyo.
Bangud sini suno sa natungdan, madamo ang nadulaan sang trabaho lakip na ang pila ka Overseas Filipino Workers.
