CONCEPCION, ILOILO – Nakapauli na ang tanan nga Overseas Filipino Workers nga sakay sang M/V St. John Paul II nga pila ka bulan nga na stranded sa Metro Manila.
Sa interview sang Bombo Radyo kay James Astrurias, iya ginpahayag nga ang sakay sang nasambit nga barko ang lunsay taga Visayas kag Mindanao.
Suno kay Asturias, anum sila nga nagpauli sa banwa sang Concepcion kag temporaryo nga nagatinir sa quarantine facility samtang ginahulat ang resulta sang COVID-19 test.
Ginpahayag ni Asturias nga kun magnegatibo ang resulta, mahimo na sila nga makapauli apisar nga wala pa natapos ang 14-day quarantine.
Antes pa man natigayon ang repatriation, ginpahayag sang natungdan nga duha ka bes sila nga ginpaidalom sa COVID-19 test sa Metro Manila.
