ILOILO – Gin-relieve na sa pwesto ang Officer in Charge sang Pavia Municipal Police Station nga si Police Major Niño Leonard Amar bangud sa mataas nga krimen sa banwa sang Pavia.
Sa interview sang Bomo Radyo kay Iloilo Police Provincial Office Director Pol Col Roland Vilela, iya ginpahayag nga ang banwa sang Pavia ang nagapangaduha sa may pinakamataas nga numero sang krimen sa probinsya sang Iloilo.
Suno kay Vilela, kinahanglan nga mangin social scientist ang mga kapulisan sa diin i-identify kag solbaron ang pila ka mga social problem.
Nakahatag naman sang listahan ang Iloilo Police Provincial Office kay Pavia Mayor Luigi Gorriceta sa mga posible mangin hepe sang Pavia Municipal Police Station tal-os kay Major Amar.
Nahibaluan nga si Police Major Amar ang nadakpan man ni Vilela nga wala sa istasyon sang nagpatigayon ini sang inspeksyon sang tinalikdan nga transport strike.
