Atensyon sa mga motorista!
Matapos ang tatlo ka sunod-sunod nga semana nga oil price rollback, magasaka na naman ang presyo sang gatong sa ulihi nga semana sang Marso.
Suno kay Rodela Romero, Assistant Director III sang Department of Energy-Oil Industry Management Bureau, ang pagsaka sa presyo sang gatong ang base sa apat ka adlaw nga trading.
Yari ang pagsaka sa presyo sang gatong:
Gasoline – P0.60-P1.00/liter
Diesel – P0.10-P0.50/liter
Kerosene – P0.10-P0.30/liter
Lakip sa mga rason nga nagaapekto sa presyo sang gatong amo ang expansion sang Israel sa ila ground operations sa Gaza, ang nagalala nga tension sa Middle East, bag-o nga consumption action plan sang China kag ang paghina sang US oil inventories.
Ipagwa naman ang pinal nga presyo sang gatong sa Lunes kag ipatuman ini sa Martes.
