Makaguluginhawa sang gamay ang mga motorista bangud sa isa pa gid ka hugnat sang oil price rollback nga ipatuman subong nga Septyembre.
Base sa three-day outcome sang trading sa regional market, ginabanta nga may buhin sa presyo sa produktong-petrolyo nga amo ang masunod:
Gasolina – P0.85 to P1.25 per liter
Diesel – P1.10 to P1.50 per liter
Kerosene – P1.15 to P1.55 per liter
Kun basehan lamang ang Mean of Platts Singapore (MOPS) index, magatupa ang rollback sa P1.261 per liter sa gasolina, P1.544 per liter sa diesel kag P1.538 per liter sa kerosene products.
Sa Lunes regular nga gina-anunsyo sang oil companies ang pinal nga price adjustment kag ginapatuman naman epektibo sa Martes sang aga.
Matandaan nga sini lang nga semana, may rollback man nga ginpatuman: P1.55 per liter sa gasolina, P1.30 per liter sa diesel, kag P1.40 per liter sa kerosene.
