ILOILO CITY – Lauman nga may yara sang rollback sa presyo sang diesel kag kerosene samtang may pagsaka naman sa presyo sang gasolina sa Martes, Agosto 11.
Sa gasolina: 20-30 centavos ang saka sa kada litro
Sa Diesel: 20-30 centavos ang buhin sa kada litro
Sa Kerosene: 30-40 centavos ang buhin sa kada litro
Suno kay Department of Energy Secretary Alfonso Cusi, wala sang dugang nga buhis sa imported products.
Apisar nga desisyon sang Department of Finance ang paghatag sang dugang nga buhis, indi automatic ang pagbalik sang dugang nga taripa sa fuel products sa tion nga mangin layi na ang Bayanihan to Recover as One Act.
