MANILA – Plano sang Philippine National Oil Company – Exploration Corp. nga upisahan ang drilling sa area malapit sa Malampaya kasunod sang mandu ni Presidente Rodrigo Duterte nga dulaon na ang moratorium sa oil exploration sa West Philippine Sea.
Santo sa timeline works, ang oil production ang mahimo nga mag-umpisa sa late 2026 ukon early 2027.
Suno kay Philippine National Oil Company – Exploration Corp. president Lt. Gen. Rozzano Briguez, ang drilling ang paga-umpisahan sa masunod nga tuig.
Ginpahayag ni Briguez nga ginatutukan sa subong ang 2 ka service contracts nga SC 57 kag SC 59 kun sa diin ang nasambit nga proyekto ang patigayunon sa “disputed areas” kag isa naman sa Northwest Palawan.
Pagkatapos nga ginmandu ni Presidente Duterte ang pagdula sang moratorium, gilayon nga gin-umpisahan sang state-owned Philippine National Oil Company ang proseso agud matigayon ang SC 57 kag SC 59 kag tinguhaan man nila nga matigayon ang duha pa ka service contracts nga SC 75 kag SC 58.
Para naman kay Senator Sherwin Gatchalian nga chairman sang Senate Committee on Energy, ang projected 2026 production ang makabig nga “good news.”
