𝗜𝗟𝗢𝗜𝗟𝗢 𝗖𝗜𝗧𝗬 – Ginakahangaw-an sa subong ang paglapad pa sang oil spill matapos nagkapan ang tugboat sa Iloilo River sakop sa Barangay Muelle Loney, Iloilo City Proper.
Ang tugboat ang ginapanag-iyahan sang International Builders Corporation (IBC).
Sa interview sang Bombo Radyo kay Ronnie Villacarlos, boat captain, iya ginpahayag nga gulpi lang nga naghilay ang sang tugboat tubtob nagkapan.
Suno kay Villacarlos, naka-standy lang sila sa Iloilo River kag nagahulat pa sang masunod nila nga schedule agud makaayo ang tugboat.
Gin-athag sini nga wala sang damage ang barko kag possible nga nagkapan lang ini bangud sa kabug-aton.
Kasunod sini, nagluntad naman ang oil spill sa diin nagkalamatay ang mga isda sa portion sang Iloilo River.
Nagpahamtang naman ang Philippine Coast Guard sang oil spill boom agud mapungan ang paglapta sang krudo sa suba.
