ILOILO CITY – Nagtuga sang kahangawa ang ang nakit-an nga langis ukon ‘oil sheen’ sa Iloilo River sa porsyon sang Barangay Libertad, Lapuz, Iloilo City.
Sa interview sang Bombo Radyo kay Kagawad Stephen John Lorde sang Barangay Jalandoni Estate, Lapuz, Iloilo City, iya ginpahayag nga posible naghalin sa isa ka pumpboat ang nagtagas nga langis.
Suno kay Lorde, gilayon ini nagtawag sang Philippine Coast Guard Western Visayas sa diin nagpahamtang ang mga ini sang oil spill boom.
Ginpahayag dugang sang natungdan nga bangud sa insidente, tuman gid ka apektado ang mga manugpangisda kag mga pumuluyo nga nagasuprer sang balatian.
Sa subong, padayon pa nga ginaimbestigahan sang Philippine Coast Guard-Western Visaya ang gintunaan sang pagtagas sang langis sa lugar.
