Nagpreparar ang Oklahoma City sang daku nga selebrasyon kasunod sang pagbulsa sang Thunder sang kampyonato sa 2025 NBA Finals.
Kahapon, Hunyo 23, ginlutos sang OKC ang Pacers sa Game 7 sa score nga 103-91 nga amo ang naghatag sa Oklahoma City sang labing-una nga kahigayunan nga mahakwat ang Larry O’Brien championship trophy.
Buwas, 11:30 sa aga, oras sa amo nga syudad, may yara sang masobra isa ka oras nga parada nga pagasundan sang pagtilipon sa sulod sang ila home court nga Paycom Center kag closing program sa Scissortail Park.
Pagpalawig pa ini sang selebrasyon matapos nga nasaksihan sang masobra 18,000 ka fans kahapon ang maragtason nga kampyonato sa pagpanguna sang superstar nga si Shai Gilgeous-Alexander nga may 30.3 points, 4.6 rebounds, 5.6 assists, 1.9 steals kag 1.8 blocks sa bilog nga Finals. Si SGA ang 11th player sa NBA history nga nagdaog bilang league MVP, kampyon sa NBA Finals kag Finals MVP. #
