PARIS, FRANCE – Nag-atubangay sa Paris Olympics 2024 ang ‘oldest player’ kag ‘youngest player’ sa tennis.
Ini amo sanday twenty-four-time Grand Slam champion nga si Novak Djokovic kag French Open kag Wimbledon champion nga si Carlos Alcaraz.
Nahibaluan nga sa edad nga 37 anyos, si Djokovic amo ang ‘oldest player’ nga naghampang sa tennis men’s singles final sa Olympics, samtang si Alcaraz naman ang pinakabataon sa edad nga 21.
Sa ila pag-atubangay, nakuha ni Djokovic ang Olympic gold medal sa ika-lima nga beses sini nga pagtapak sa Olympiada.
Ang bulawan nga medalya sa Olympics amo man ang nagkumpleto sa career ‘Golden Slam’ sang Serbian tennis superstar.
Ginlutos sini ang French Open kag Wimbledon champion nga si Alcaraz sa straight sets, 7-6(3), 7-6(2).
