Nangin labing-una nga undisputed heavyweight boxing champion sa sulod sang 24 ka tuig ang Ukrainian boxer nga si Oleksandr Usyk matapos ginlutos ang British fighter nga si Tyson Fury sa sambuwa sa Riyadh, Saudi Arabia.
Nagdaog si Usyk paagi sa split decision.
Gintumba sini ang Briton sa ika-9 nga round antes naangkon ang abanse sa duha ka scorecards, 115-112 kag 114-113, samtang isa naman ang nagpabor kay Fury, 114-113.
Ang WBC title sang British boxer ang nagsaylo na sa Ukrainian nga amo man ang nagapanag-iya sang paha sang WBA, IBF kag WBO.
Ini man ang labing-una nga kalutusan nga naangkon ni Fury, 35, sa iya nga 16 ka tuig nga karera sa professional boxing. Gilayon ini nga naghirit sang rematch sa Oktubre.
Ang undefeated naman nga si Usyk, 35, ang sulod na sa elite club sang mga boksidor nga may major world championship belt sa heavyweight kaangay kanday Muhammad Ali, Joe Louis kag Mike Tyson — apang siya ang labing-una nga nakahimo sini sa four-belt era nga nagsugod sang 2007.
