Apisar may pageant fans nga indi kumporme sa pagbalik kay Miss Universe 2012 Olivia Culpo bilang main host sang 71st Miss Universe Competition, daku gihapon ang pagpasalamat sang beauty queen sa Miss Universe Organization kag gindayaw man ang padayon sini nga evolution.
Suno kay Olivia, daku ang iya nga respeto sa iya Miss Universe Family kag sa mga pagbag-o diri lakip na ang bag-o nga female ownership nga labing-una sa maragtas sang amo nga pageant organization.
Matandaan nga sang 2021, nangin co-host man si Olivia sang amo nga prestihiyoso nga beauty pageant kaupod si Mario Lopez, apang nangin trending ang iya hosting skills bangud sa iya maluya nga delivery.
Mangin si Miss Universe 2014 Top 10 finisher Mary Jean Lastimosa ang nagpahayag nga tion na ini agud makabawi si Olivia kag ipakita ang energy nga kinahanglan sang pageant fans sa amo sini kadaku nga event.
Mangin co-host ni Olivia ang American TV host nga si Jeannie Mai Jenkins.
Girl power ini bangud mangin backstage commentators naman sanday Miss Universe 2018 Catriona Gray kag Access Hollywood correspondent Zuri Hall.
Balantayan ang Miss Universe 2022 sa January 14 sa New Orleans Morial Convention Center sa New Orleans, Louisiana kun sa diin 85 ka mga kandidata ang maga-compete matapos nag-withdraw ang tiglawas sang Latvia bangud na-infect sang Covid-19. ##
