Wala gid naka-skor ang Philippine Women’s National Football Team batok sa powerhouse team sang Matildas sa Paris 2024 Olympic Qualifiers nga ginsaksihan sang 59,000 ka football fans sa Optus Stadium sa Perth, Australia.
Photo: PH Sports Ave
Sa pagtakop sang hampang 0-8, nagsaka na ang Australia sa unahan sang Group A nga may sais puntos kag goal difference nga +10.
Kinahanglan nga magbawi ang Pilipinas bangud ang top team lamang sa kada grupo kag ang best second-ranked amo ang maga-abanse sa masunod nga round.
Atubangon sang national women’s team ang World No. 63 nga Iran sa Nobyembre 1 bilang pagtakop sang ila Olympic qualifier campaign sa Group A. #
