ILOILO CITY– Ginadumdom sang Ukraine ang mga atleta sini nga nagkalamatay bangud sa giyera nga ginlunsar sang Russia.
Ini ang pila ka adlaw antes ang pagbukas sa Olympics sa Paris, France.
140 ka mga atleta ang ipadala sang Ukraine sa Paris Olympics.
Base naman sa record, 488 ka mga athletes kag coaches ang napatay bangud sa Russian invasion humalin sang 2022.
Kapin 20 sa ila ang European kag world champions sa ila discipline suno kay sports ministry spokesman Serhiy Bykov.
Ang weightlifter nga si Oleksandr Pielieshenko, nga nagtapos nga fourth sa iya weight class sa 2016 Summer Games, ang latest nga prominente nga sporting casualty sang napatay ini sa eastern Ukraine sang Mayo 5 sa edad nga 30.
