Isa sa pinakaagaw-atensyon nga resulta sa hampang sa basketball sa Paris Olympics 2024 amo ang maragtason nga kadalag-an sang world no. 33 nga South Sudan batok sa World no. 16 nga Puerto Rico, 90-79.
Ini man ang labing-una nga Olympic win sang amo nga African nation nga amo ang pinakabata nga pungsod sa bilog nga kalibutan.
Sa bilog nga maragtas sang sini nga quadrennial meet, ini lamang ang ikaduha nga bes nga nagdaog ang isa ka African team batok sa pungsod halin sa America.
Antes ang hampang sang duha ka teams, sala pa nga national anthem ang gintukar para sa South Sudan apang gin-untat 20 segundos ang makaligad.
Gindayaw man sang publiko ang South Sudanese players nga padayon sa pagtindog samtang nagabutang sang kamot sa dughan tubtub nga na-restart ang husto na nga national anthem halos tres minutos ang makaligad.
Pagkatapos sang kanta, naghugpon ang mga tawo sa venue kag ginpalakpakan ang South Sudan team. Mangin ang Puerto Rico players kag media members ang nagpakita man sang ila suporta.
Ginapahayag nga yara sa 27,000 ka mga tawo sa Pierre Mauroy Stadium sa France ang nakasaksi sang amo nga basketball event.
(Photo: FIBA)
