Naghimo sang kasaysayan ang Filipina rower nga si Joanie Delgaco sa 2024 Paris Olympics matapos nag- advance sa quarterfinals sang women’s single sculls, sa event sa Vaires-sur-Marne Nautical Stadium.
Nangibabaw si Delgaco sa iya repechage heat nga may oras nga 7:55.00 agud masiguro nga makasulod ini sa top 24 sa iya pinakauna nga Olympic stint.
Nagsunod kay Delgaco ang Vietnamese nga si Pham Thi Hue nga may oras nga 8:00.97 kag nag- advance man sa quarterfinals.
Ang top two sa tagsa ka repechage heat amo ang magasulod sa quarters.
Ang 26-anyos nga si Delgaco ang pinakauna nga female rower halin sa Pilipinas nga nag-compete sa Olympic Games.
Matandaan nga ginkabos ini sa iya una nga event kahapon para kuntani sa automatic quarterfinal berth sa heats kun sa diin nagpang-apat ini nga may oras nga 7:56.26.
