Nakahanda ang Office of the Ombudsman nga maghatag sang proteksyon sa nagbuya nga lawmaker nga si anay Ako Bicol Representative Zaldy Co matapos magpahayag sang kahadlok para sa iya kabuhi.
Sa una nga ginpagguwa nga video ni Co kahapon nga adlaw, iya ginbuyagyag nga sang nagapauli na kuntani siya sa Pilipinas gintawagan siya ni anay House Speaker Martin Romualdez kag ginislingan nga indi magbalik sa pungsod kag ginpahog nga patyon kun maghambal siya batok sa ila.
Ginsiling man ni Co nga ginagamit lamanng siya para sa kampanya sang administrasyon batok sa korapsyon.
Sa isa ka statement subong nga Sabado, Nov. 15, ginpanindugan sang Ombudsman nga ang safety sang isa ka testigo ang importante sa ginapangita nga kamatuoran.
madugay na man nga bukas ang pwertahan sang Ombudsman sa anay lawmaker para iplastar ang iya ebidensya kag kun kahadlok ang rason sang iya paglikaw, ginasiguro sang Ombudsman nga hatagan siya sang proteksyon.
Indi naman komporme ang Ombudsman sa pamaagi sang pagpahayag ni Co sang iya side pinaagi sa pagpagguwa sang isa ka video.
Sa subong, gina-imbestigaran pa sang maid-id ang mga ginbuyagyag ni Co.
Apisar, gin-ako sini nga madugay kun kaisa ang proseso, ini ang pamaagi agud masiguro ang hustisya.
