Plano subong sang Office of the Ombudsman nga magamit sang artificial intelligence para batuan ang korapsyon sa pungsod.
Suno kay Ombudsman Crispin Remulla nga bilang kabahin sang digitalization possible nga mangayo sila sang bulig sa mga ekspersto para makabulig sa pagkuha sang impormasyon.
Pahayag pa niya, sa madamo sang mga dokumento kag transaction sa ila opisina, importante ang bulig sang AI.
Pagatun-an man nila sang mayo kag magakonsulta sila sa mga eksperto kun paano ini magamit sang insakto.
