Nagpagwa sang subpoena ang Office of the Ombudsman nga nagamando sa Department of Public Works and Highways (DPWH) nga ipaguwa kag ibalik ang tanan nga computer kag electronic devices nga gin-isyu sadto kay anay undersecretary Maria Catalina Cabral.
Ginpahayag ni Ombudsman spokesperson Mico Clavano nga ipa-idalom sa forensic examination ang mga devices para mahibaluan kung may datos nga ginlain, gindula ukon gin-intrahan matapos nga nabuyagyag ang Flood Control Scandal.
Dugang pa ni Clavano nga ginalauman nila ang madasig nga pagsunod sang DPWH sa subpoena.
Suno pa sa iya nga nagpahayag man ang DPWH nga i-turn-over sa Office of the Ombudsman kag sa Philippine National Police ang tanan nga data storage device, mga dokumento, records kag file sa idalom sang talatapan ni Cabral.
Ginpahayag naman ni Interior Secretary Jonvic Remulla nga may indikasyon nga nagkumiter sang suicide si Cabral.
Apang, una na nagpahayag ang Philippine National Police nga apisar may ebidensya sila nga ginatan-aw, padayon sa gihapon ang ila imbestigasyon kag wala pa sang pinal nga konklusyon.
