Ginmando ni Ombudsman Jesus Crispin “Boying” Remulla ang liwat nga pag-review sa gina-alegar iregularidad sa pagpatukod sang mga pasilidad para sa 2019 Southeast Asian (SEA) Games.
Nahibaluan nga lima na katuig ang nagligad matapos nga ibasura ang kaso bangud sa kakulangan sang ebidensya.
Sang ginpamangkot si Remulla sa nangin desisyon sang Office of the Ombudsman sang tuig 2021 nga nabasura na ang ginpasaka nga kaso batok kay Public Works and Highways Secretary Vince Dizon kaangot sa proyekto, nagpahayag si
Nagmando si Remulla sa iya nga mga tinawo nga balikan ang bilog nga record sang kaso kun sa diin sang tuig 2021 gindesisyunan sang Office of the Ombudsmannga ibasura ang ginpasaka nga kaso batok kay Public Works and Highways Secretary Vince Dizon kaangot sa proyekto.
Sang tyempo nga ato, Si Dizon ang nagapamuno sa Bases Conversion and Development Authority (BCDA), ang ahensya nga nag-uyat sa pagpatindog sang New Clark City, lakip na diri ang pasilidad nga gingamit sa 2019 SEA Games.
Ginpasapubliko ini sang Ombudsman matapos ang pahayag ni National Bureau of Investigation (NBI) Director Melvin Matibag nga magapatigayon sila sang imbestigasyon sa gina-alegar anomaliya sa pagpatindog sang sports facilities para sa SEA Games.
Gilayon naman nga nag-react si Senador Alan Peter Cayetano sa pahayag ni Matibag.
Suno pa sa senador, kaangay nga gina-testingan ini nga pahadlukon sang NBI director bag-o ang ila nga pag-atubangay sa Senate impeachment court sa masunod nga semana.
Nahibaluan nga si Cayetano ang nagpamuno sa organizing committee ng 2019 SEA Games, kung sa diin nangin overall champion ang Pilipinas.
Sang ginpamangkot naman si Remulla kun ipatawag si Cayetano sa ginapatigayon nga imbestigasyon pahayag pa ni Remulla nga may ara sang nagakaigo nga oras para dira.
Pahayag pa ni Remulla ila pa anay kay-uhon sa Office of the Ombudsman ang proseso kag ang mga ebidensya kun sa diin ila anay nga ginasigurado halin sa nahauna nga imbestigasyon antes magdesisyon kun may ara sang basehan agud liwat nga buksan ang kaso.
