ILOILO CITY– Nakadihon na sang barangay resolution ang Barangay Council sang San Jose, Jaro, Iloilo City may kaangtanan sa on road parking sa nasambit nga lugar.
Sa interview sang Bombo Radyo kay Barangay Kagawad Arvin Zerrudo sang nasambit nga lugar, iya ginpahayag nga antes pa ang mando ni Presidente Duterte tuhoy sa road clearing, may yara na sila nga daan sang ginahimo agud mapahagan-hagan ang trapiko bangud man sa mga nagapark nga mga salakyan.
Suno pa kay Zerrudo, sa tion nga peek hours ukon weekend, madamo ang customers sang tatlo ka mga kalan-an nga yara sa ila barangay rason nga mas nagapugok ang trapiko.
Wala man sila nagkulang suno kay Zerrudo sa pagsaway sa mga driver nga naga park sang salakyan sa dalan.
Luyag man niya suno sa natungdan nga sa madali nga tion, magapatigayon sang inspection ang Public Safety and Transportation Management Office sa ila lugar agud nga makuha ang obstruction sa dalan.
