ILOILO CITY – Magapatigayon sang one day seminar workshop ang asosasyon sang mga chemistry teachers sa Western Visayas.
Sa interview sang Bombo Radyo kay Dr. Vivian Azucena Topor, associate professor sa Department of Chemistry sa Unuversity of the Philippines Visayas kag Vice President sang Integrated Chemist of the Philippines Panay Chapter, iya ginpahayag nga ang nasambit nga aktibidad ang patigayunon sa Agosto 17, Sabado sa University of the Philippines Visayas.
Suno kay Dr. Topor, sa nasambit nga adlaw, may yara sang patigayunon nga seminar kag workshop para sa mga manunudlo kag estudyante nga nagatuon sang chemist.
Ini agud nga mapasangkad ang chemsitry education sa rehiyon.
Magluwas diri, magatukod man suno kay Dr. Topor sang Philippine Association of Chemistry Teachers-Region 6, ang ikaduha nga regional arm sang asosasyon nga yara sa saguwa sang Metro Manila.
