ILOILO CITY – Ginmando na sang Iloilo City Government sa mga barangay officials kag district coordinators nga ipatuman ang minimum health protocols sa tanan nga mga Christmas-decorated plaza sa Syudad sang Iloilo.
Sa interview sang Bombo Radyo kay Jeck Conlu, pinuno sang Public Safety and Transportation Management Office kag spokesperson sang COVID-19 Team sang Iloilo City Government, iya ginpahayag nga butangan sang “one entry, one exit” ang mga plaza.
Diri, ipatuman nga kun diin ka nagsulod, lain man ang gwaan agud indi magsinugata-anay ang mga pumuluyo.
Limitahan man suno kay Conlu ang oras sa paglagaw sa mga plaza kag tubtob alas 9:00 na lang sa gab-i, mahimo magtinir sa plaza.
