Indi na kinahanglan magpadulong personal sa lokal nga Commission on Elections (COMELEC) office agud mag-apply para sa reactivation ang kapin 6 million nga registered voters nga na-deactivate ukon nadula ang pangalan bangud wala nakaboto sa duha ka asud-asud nga eleksyon.
Ini ang santo sa Republic Act 8189 ukon “Voter’s Registration Act of 1996” sa diin nasaad nga mahimo kakason sang poll body ang lista sang mga botante nga napaslawan magboto sa duha ka consecutive elections.
Nahibaluan nga ang election-related activities kalakip na ang voter registration kag reactivation, ang nagapadayon sa kada lugar sa pungsod, magluwas sa mga napaidalom sa enhanced community quarantine (ECQ) kag modified ECQ (MECQ) bangud sa pagtimbuok sang kaso sang COVID-19.
Sa interview sang Bombo Radyo kay Comelec Commissioner Atty. Rowena Guanzon, iya ginpahayag nga mahimo na makapatigayon sang online reactivation ang mga botante via email para sa voter registration.
Ini ang nag-umpisa na sini nga bulan sang Agusto.
Pahayag niya, target nila ang masobra 60 million nga registered voters para sa national elections sa masunod nga tuig.
Nahibaluan nga ang nationwide voter registration ang tubtob na lang sa Septyembre 30, 2021.
