POTOTAN, ILOILO – Ginpuhag sang bomb scare ang mga tumalan-aw sang opening of lights sang Iwag festival sa Pototan, Iloilo subong nga gab-i.
Sa interview sang Bombo Radyo Radyo kay Police Major Ronnie Brillo, hepe sang Pototan Municipal Police Station, iya ginpahayag nga may yara sang nakita nga itom nga bag sa isa ka kalan-an sa Teresa Magbanua St. nga malapit lang sa public plaza.
Suno kay Brillo, naalarma ang mga nakakita ilabi pa nga madamo ang mga nagapadulong sa plaza agud nga magsaksi sa opening of lights kag fireworks display.
Ginpahayag ni Brillo nga sang ginlantaw sang bomb expert ang nasambit nga bag, isa ka sipi nga sab-a kag tatlo ka sipi nga manilan-on ang unod sini.
Santo sa kuha sang Closed Circuit Television camera, duha ka makaduluda nga lalaki ang nagbilin sang bag.
Kun lantawon suno kay Brillo, mahimo nga kawatan ang duha ka lalaki kag sang ila nakita nga saging ang unod sang bag, ila ini nga ginbilin.
Nakita sa kuha sang Closed Circuit Television camera ang guya sang mga lalaki kag nagalaum ang hepe nga mahibaluan gilayon ang identity sang duha.
