ILOILO CITY – Ginbuksan na liwat ang Iloilo International Airport para sa mga inbound kag outbound flights, tatlo ka adlaw matapos maparalisa ang operasyon bangud sa naaberya nga eroplano sang Cebu Pacific Flight 5J 461.
Alas-2:00 sini nga hapon sang nagbalik ang operasyon sang airport.
Ini matapos nakuha na sa runway ang eroplano nga nag-guot sa lunang.
Suno sa Civil Aviation Authority of the Philippines (CAAP), mabudlay ang pagkuha sang eroplano bangud basa ang duta sa pila ka adlaw nga pag-ulan.
Santu sa CAAP, nagalab-ot sa halos 100 ang biyahe sang eroplano nga naapektuhan sa pila ka adlaw nga pagpasirado sang paluparan samtang kapin 2,000 naman ka pasahero ang naapektuhan.
Nahibaluan nga naperwisyo ang mga pasahero sa pagkaparalisa sang paluparan kun sa diin ang iban nagpadulong pa sa Roxas airport satang ang iban napilitan nga mgapa-rebook sang flight.