ILOILO CITY – Suspendido gihapon ang operasyon sang Iloilo International Airport subong nga aga.
Ginpahayag sa Bombo Radyo ni Civil Aviation Authority of the Philippines (CAAP) spokesperson Eric Apolonio nga tubtob alas-9:00 subong nga aga wala pa sang flight nga maka-take off kag makahugpa sa Iloilo airport.
Ini apisar nakuha na sa kilid sang runway ang eroplano sang Cebu Pacific Flight 5J 461 matapos ini nag-guot sa iya paghugpa sang Biyernes sang gab-i.
Suno kay Apolonio, 15 ka metro pa lang ang distansiya sang eroplano gikan sa lugar kun sa diin ini nag-guot.
Tuman ka hinay suno sa opisyal ang pagguyod sang eroplano bangud nga basa ang duta.